Vita religëusa › Urazions
PERE NOST
Pere nost,che t’ies tl ciel,
l sibe santificà ti inuem,
l vënie ti rëni,
ti ulentà sibe fata sciche tl ciel nsci sun la tiera.
Danes ncuei nosc pan da uni di
y lascenes do nosc debit,
coche nëus lascion do a nosc debitëures
y no nes mené tla tentazion,
ma delibreienes dal mel.
Amen.
ANMARIA
Ave Maria,
plëina de grazia,
l Seniëur ie cun té,
tu ies benedidadanter l’ëiles
y benedì ie l frut de ti grëm, Gejù.
Santa Maria, Oma de Die,
prëia per nëus piciadëures,
śën y en pont de nosta mort.
Amen.
Mi bon Die,
ie son sën levà,
y per chësc dì te sënti gra.
Cëla sun me ncuei uni mumënt,
cëla sun mi cumpanies,
duc i mutons y duta la jënt.
Gejù,
uniun de nëus es tu gën.
Tu nes es fat scincundes:
Uniun sà zeche de auter.
Un sa drët bën da fé conc,
l’auter dessënia drët bel,
n auter scrij o conta drët bën.
Mo n auter ie n bon cumpani.
Deguni de nëus ne sa da fé dut,
nce i granc ne sa nia dut.
Nëus ulon se judé un cun l auter.
Amen.
Fé, Seniëur,
che ne se meton nia contra i autri,
ma che se judon un cun l auter a supurté la crëujes dla vita.
Fé, che savon da priejé la generosità y la pesc danter la jënt,
y judenes a devëncer l mel cun la bontà.
Danes l curaje de mëter man bele ncuei cun chësta opra,
che duc sun chësc mond
possa purté cun dignità l inuem de persona umana.
Amen.